قواعد التعامل مع الصنايعية

28 33

[ads1]

يتقدم موقع مصر العربية نيوز بعرض مقالة عن أسس إختيار أفضل صنايعي يقوم بالعمل معك وننفرد بنشر أالتعامل مع الصنايعية وأصحاب المهن : 

قواعد التعامل مع الصنايعية
قواعد التعامل مع الصنايعية

اليكم القواعد كما ذكرها البعض عبر فيسبوك

[ads2]

#قواعد التعامل مع الصنايعية :

١- الصنايعي تناديه ب (عم فلان)، أو (أسطى) أو (معلّم). بلاش أستاذ فلان أو عمو فلان عشان التكلفة هاتبقى الضعف.
٢- نبرة صوتك وانت بتكلم صنايعي في التليفون لازم تبقى عالية ..كأنك بتنادي عليه من مكان بعيد .. لو نبرة صوتك ناعمة هايحاسبك بالمتر ..
٣- بتاع المقطورة اللي بينزلك رملة تلبس له بنطلون بيتي واسع عليه ٣ خطوط بيضا من الجنب، ومتعاص نقط بوهية، وتيشرت قديم قصير بالعافية جايب كامر البنطلون.
هاتلبس رسمي قميص وبنطلون هايجيبلك رملة بيضا مش صفرا، ومن الشونة مش من المحجر ..
٤- شاي للصنايعية.
٥- طريقة لبسك قدام الصنايعي بتحدد مدى خبرتك في التعامل معاهم ..
٦- دخان الصنايعي معناها فلوس إضافية، مش لأنه عمل حاجة زيادة غير اللي انتو متفقين عليها، انتو اتفقتوا على فلوس، إنما هو عايز دخان مش فلوس! اللي هي فلوس مش دخان !
٧- شاي للصنايعية.
٨- لو محتار بين الصنايعية ومش عارف تحدد من أحسن وهايطلعلك شغل أحسن، خليك في الصنايعي اللي صوته محشرج.
٩- شاي للصنايعية.
١٠- شاي تاني.
١١- النقّاش دايماً فاكر انه مش هايعوص السيراميك، ودايماً بيعوص السيراميك، فحط شرط في اختيار النقاش انك تحط كرتون شكاير فاضية أو مشمع عالأرض، واللي يوافق عالشرط هو اللي يشتغل معاك.
١٢- اعمل تيستات صوت، وڤوكاليز عشان تقيس درجة حشرجة صوت المبلط، غالباً ده هو اللي هايظبطلك الميول.
١٣- شاي للأفندية.
١٤- في صنايعية بيجيبوا معاهم عيال في رابعة ابتدائي عشان يشخطوا فيهم قدامك ويثبتولك انهم معلمين، لأ، دول مش معلمين ولا حاجة ..
المعلمين الصح هما اللي بيشخطوا في عيال في تانية إعدادي وانت طالع.
١٥- شاي للحضرات.
١٦- لو انت موظف حكومي، ومش عايز كل شوية تروح تسحب فلوس من الماكنة، سيب الفيزا مع الصنايعية وعرفهم الرقم السري.
١٧- سيب معاهم فيزتين : فيزا المرتب، وفيزا الدخان.
١٨- شـــ(شاي للصنايعية)ـــاي للصنايعية..
١٩- الصنايعي اللي بيغمض عينه نص تغميضة وهو بيشرب سجاير أكتر خبرة من اللي بيشربها وهو مفتح عينه عالآخر، واللي بيرد عليك من تاني مرة هايطلعلك شغل أحسن من اللي بيرد عليك من أول مرة.
٢٠- شاي
٢١-للصنايعية

[ads1]